ڕاشكاوى یەكی ئاشكرا (صراحة مكشوفة‌)

پێغەمبەر صلى الله عليه وسلم دەفەرموێ: ((إذا رأى أحدكم إمرأة، فوقعت في قلبه، فليعمد إلى امرأته، فليواقعها، فإن ذلك يرد ما في قلبه)). رواه مسلم
واتە: ئەگەر یەكێك لە ئێوە ئافرەتێكی بینی و كەوتە دڵى یەوە، با بچێتەوە لای ژنەكەی و لەگەڵیدا جوت ببێ، چونكە ئەم جوتبونە دەبێتە هۆى رەت كردنەوەی ئەوەی كە چۆتە دڵی و دڵی پێی دادەمركێ.(1) 
=========================== 
(1) بەڕاستی تەوجیهێكی پڕ لە حیكمەت و بەرزە، بە تایبەتی لە رۆژگارێكی گەندەڵی وەك ئەمڕۆ، ئافرەتان زیاد لە سنور لادان خۆیان لە پۆشاك داماڵیوە و خۆیان كردۆتە مزراحی دەستی گاڵتەجاڕی ئافرەتان، بونەتە پەیڕەوكار و جێ بەجێ كەری زنجیرە تەمسیلى یەكانی بێگانە لە دوای تەرجەمەكردنیان بۆ زمانی عەرەبی. ئافرەتان بە شێوەیەك خۆیان دەخەنە ڕو و پۆشاكێك لەبەر دەكەن، كە هەر بەناو پۆشاكە،جا كە بەم جۆرە خۆیان نمایش دەكەن، سەرنجى گەنج و پیاوى پێ ڕادەكێشن، ڕەنگە سەربكێشێ بۆ خراپەكارى و داوێن پیسى. هەر بۆیە پێغەمبەرصلى الله عليه وسلم لەم فەرمودەیەدا رێنمایى پیاوان دەكات، هەركاتێ شتێكى ئاوایان كەوتە بەرچاو و سەرنجى ڕاكێشان و ئارەزوى بزواندن، ڕاستەوخۆ بچنەوە لاى خێزانیان، ئەو گەنجانەش كە ژنیان نەهێناوە، دەبێ ئارام بگرن و زۆر بەڕۆژو بن، هەروا دوعا بكەن هەتا خواى بەخشندەكارى ژن هێنانیان بۆ ئاسان دەكات.. ئەو جۆرە ئافرەتانەش گەر تۆزێك ئابڕویان هەبێ، رێگە بەخۆیان نادەن ئەم جلە سەرشۆڕكەرە لەبەر بكەن. (وەرگێڕ) 

له‌ به‌شی: slyd